O punto de vista do noso estado anímico
Hai determinados produtos que non teñen moi sinxelo chegar a un recoñecemento do seu nome na sociedade, xa ben sexa pola súa finalidade ou ben pola competencia do mercado (a existencia de moitos produtos coa mesma función). Son produtos que dificultan o labor do creativo publicitario. Por iso non é o máis normal atopar anuncios que resulten creativos, inxeniosos e orixinais neste tipo de produtos; estou falando por exemplo dos farmacéuticos, dos produtos de limpeza...e doutros moitos desta índole.
Pero sorprendentemente este anuncio de Pharmaton Complex ademais de deixar clara a función do produto, consegue facelo dun xeito orixinal e con un toque de humor.
Xulgade vós mesmos e pensade se moitas veces botades un sorriso ao ver un anuncio dun produto farmacéutico.
