A polémica do "efecto AXE".
"A publicidade AXE é machista e sexista, pero hai que recoñecer que conta cunha extraordinaria creatividade. Ésta debe sela causa de que os seus anuncios non xeren excesiva polémica, ou porque xa estamos acostumados a eles. De tódolos xeitos, cada anuncio deste desodorante é unha gran obra de publicidade que merece a pena ver. "
Este comenteario pertence a un blog que se corresponde coa seguinte dirección:
http://www.vayatele.com/2006/06/10-anuncio-axe-touch
Estou totalmente de acordo con este tipo de publicidade porque a orixinalidade e creatividade que a avalan son extraordinarias, pero penso que a poderían expresar doutro xeito, sen ofender a ningún grupo da sociedade, como neste caso son as mulleres, tratadas como mero obxecto, como se non tiveran personalidade, intelixencia, capacidade de decisión, senón que se limitan a responder ó estímulo provocado polo efecto AXE.
Se queremos unha sociedade distinta, un mundo onde reine a igualdade e a tolerancia, non podemos seguir con esta clase de anuncios insultantes nos medios de comunicación, temos que conseguir inculcar certos valores tan necesarios en calquera sociedade, como é o respecto, e outros moitos que este tipo de anuncios parecen esquecer sen ningún remorso.
A proba do que estou a comentar podedes apreciala en calquera destes anuncios da marca mencionada. Opinade vós mesmos, mirádeos con atención e pensade se non vos resultan indefirentes, vos parecen insultantes ou vos gusta ese xeito de facer publicidade, ese xeito de "educar" a sociedade.
http://es.youtube.com/watch?v=2mQx9gzl05Y
http://es.youtube.com/watch?v=GrKiatLR8MA
http://es.youtube.com/watch?v=YIVhTYjLoXI&feature=related
