"Sra. Rushmore" a primeira en creatividade orixinal e eficaz.
No anterior comentario citei un set da campaña do atlético de Madrid. Este dedicareillo por completo á axencia que fixo posible todos os anuncios do equipo dende outubro do 2000, Sra. Rushmore. Decidinme por homenaxear esta axencia porque penso que funciona cunha interesantísima creatividade e orixinalidade. Emprega un xogo interactivo entre a situación, a posición na que se atopa o equipo en cada momento, e os seus sets. Así en momentos nos que o atlético non ía moi ben, os seus sets buscaban calar nos socios do mesmo para que non desesperaran, con anuncios como:
Anuncio atlétic de Madrid 1
Anuncio Atlétic de Madrid 2
Anuncio Atlétic de Madrid 3
Os tres son sets que se entenden por si mesmos, non precisan de ningunha explicación. Tamén atopei referencias a este estraño pero profundo sentimento que emociona ós seguidores do equipo, neste blog dun afeccionado do atlético de Madrid:
De onde escollín este anaco de texto dun comentario:
É cousa de sentimentos, os que non sodes do Atlético xamais o entenderedes.
Eu son do Atlético porque nacín así e así morrerei. Porque amo a esa camiseta e a ese escudo, máis sorpréndome a min mesmo, cando reflexiono sobre iso do que eu mesmo son consciente. A verdade, non podo dicirvos ata que punto son “rojiblanco", porque francamente non o sei, non me vin en ningunha situación límite vital que refreade ese sentimento pero daría todo polo meu equipo. O que se leva no corazón é difícil de explicar pero é algo moi moi grande que non entenderán os que non aman esas cores.
Sen embargo cando subiu a primeira división, a axencia animouse e lanzou:
O Atlético a Primeira
E cando xa non queda moito que dicir a cerca do equipo porque o contexto non os apoia demasiado, pois a axencia ten a gran idea de inventar unha nova “figura” para manter os socios do equipo, é “a figura do socio non abonado”, moi ben recollida no seguinte set que mostrou ó público:
Como podedes apreciar a posición actual desta axencia como número 13 no ránking de INFOADEX dende Maio do 2007, non é en vano. Pois esta axencia conta cun equipo creativo do mellor, como se evidencia en todos e cada un dos seus sets.
A páxina oficial da susodita axencia. e recoméndovos que a visitedes porque está moi ben, é moi orixinal. Timbrade nesa dirección e comprobarédelo.
A axencia publicitaria ‘Sra. Rushmore’ e o Atlético de Madrid traballan cóbado con cóbado dende anos atrás e as campañas publicitarias do Club “rojiblanco” sempre son esperadas con moita expectación, pola súa creatividade, a súa calidade e as súas mensaxes.
Por algo é a axencia número 1 en creatividade orixinal e eficaz.
